Markaziy Osiyo va Janubiy Kavkaz qishloq xo‘jaligi ilmiy-tadqiqot tashkilotlari uyushmasi (ASNIOTSAK) 2000 yilda Markaziy Osiyo va Janubiy Kavkazdagi sakkizta Milliy qishloq xo‘jaligi tadqiqot tizimlari (NSSXI) rahbarlari tomonidan xalqaro qishloq xo‘jaligi tadqiqotlari bo‘yicha maslahat guruhi dasturi (KGMSXI-CAK) ko‘magida tashkil etilgan.

Uyushmaning maqsadi – qishloq xo‘jaligi tadqiqotlarini rivojlantirish uchun tajriba va ma’lumot almashish platformasini yaratish orqali mintaqaviy hamkorlikni rivojlantirishdir. U tashkilotlar o‘rtasida global, mintaqaviy va milliy darajada axborot almashish uchun ikki tomonlama muloqot mexanizmidir. ASNIOTSAKka a’zo bo‘lish barcha qiziqqan tomonlarga ochiq: ilmiy-tadqiqot institutlari, nodavlat tashkilotlar, universitetlar, fermer uyushmalari, xususiy sektor va xalqaro tashkilotlar uchun.

Uyushmaning boshqaruv organlari – har yili yig‘iladigan Rahbariyat qo‘mitasi va Ijro qo‘mitasi. Har ikki qo‘mitaga ikki yillik muddatga saylanadigan Rais va Ijrochi kotib rahbarlik qiladi (hozirgi Rais – Gruziyalik akademik Guram Aleksidze, Ijrochi kotib – iqtisod fanlari nomzodi, dotsent Alisher Toshmatov).

ASNIOTSAK mintaqani xalqaro va mintaqaviy miqyosdagi turli forumlarda, IKARDA, GFSXI kabi tashkilotlar tomonidan o‘tkaziladigan konferensiya va uchrashuvlarda namoyon etadi. Shuningdek, u konferensiyalar, seminarlar, mintaqaviy maslahat uchrashuvlarini tashkil etadi. U CAK-RAIS – mintaqaviy qishloq xo‘jaligi axborot tizimi ham-muassisidir. ASNIOTSAKning a’zolari qatoriga IKARDA, IFPRI, SIMMIT kabi markazlar kiradi.

ASNIOTSAK butun dunyodagi forumlarda to‘liq huquqli va samarali ishtirok etishi uchun, a’zolikni kengaytirish, turli yo‘nalishdagi tashkilotlarni qamrab olish muhim hisoblanadi. Shu sababli ASNIOTSAK ilmiy-tadqiqot institutlari, universitetlar, fermer tashkilotlari, xususiy sektor, NNTlar hamda boshqa qiziqqan tomonlar, shu jumladan ayollar harakati va yosh mutaxassislar vakillarini o‘z safiga taklif etadi.

ASNIOTSAK a’zoligi qishloq xo‘jaligi sohasida hamkorlikka qiziqqan tashkilotlar uchun bir qator imkoniyatlarni taqdim etadi. Eng avvalo, bu uyushma faoliyatiga ta’sir ko‘rsatish va o‘z tashkilotining hamda mamlakatning ustuvor yo‘nalishlarini birlashtirish imkoniyatidir. Bundan tashqari, xalqaro tadbirlarda ishtirok etish, konferensiyalar, treninglar va boshqa ma’lumotlarga ega bo‘lish hamda ASNIOTSAK tomonidan tashkil etiladigan tadbirlarda qatnashish imkoniyati mavjud. Bundan tashqari, a’zolik yangi texnologiyalar almashuvi va hamkorlikdagi loyihalarni yaratish imkoniyatini beradi. Uyushmaning ustuvor yo‘nalishlari va dasturlari a’zolar tomonidan belgilanadi, bu esa deyarli cheksiz imkoniyatlarni yaratadi.

A’zolik badallari haqida aytadigan bo‘lsak, ASNIOTSAK nizomiga muvofiq, Rahbariyat qo‘mitasining 2009 yil 15 oktyabr qaroriga ko‘ra, 2010 yildan boshlab badallar quyidagicha:

• Markaziy Osiyo va Janubiy Kavkazdagi qishloq xo‘jaligi tashkilotlari (ilmiy-tadqiqot institutlari, hukumat muassasalari, nodavlat tashkilotlar, ta’lim muassasalari, fermer uyushmalari, ayollar tashkilotlari, xususiy sektor va boshqalar) uchun – har bir tashkilotdan yiliga 100 AQSh dollari;
• Xalqaro tashkilotlar uchun – har bir a’zodan yiliga 3 000 AQSh dollari.

Tashkilot tarixi, faoliyati va maqsadlari haqida qo‘shimcha ma’lumot olish uchun www.cacaari.org saytiga tashrif buyurishingiz yoki ASNIOTSAK Ijrochi kotibi janob Alisher Toshmatovga a.tashmatov@cacaari.org elektron manzili yoki telefon orqali murojaat qilishingiz mumkin: +998-71 237-21-30 , +998-90 326-06-05.